Por Ba La Leit

Por ba la leit kin ym wan phai
Aiom baieid na ri ki rngai
Na nga phi phet ia phi ngam klet
Da lei-lei ruh
Wat la na nga sha jngai phi her
Jingmut sha phi ka per
Jingsuk jingsain ha phi nga la shem

Sa shisien hir-hir nga da kwah
Ban long pat u khynnah
Ngan her biang sha ki por ba jngai
Sha ki Mon ka hehrimai

Sa shisien hir-hir nga da kwah
Ban long pat u khynnah
Ki 'sai kudi ki 'sai tyllai
Miet sngi ban ia leh kai

Ki dieng 'tiewsaw latom ban thaw
Ki 'bat moina ban khleh minja
Ia ki ban ioh ai ngan shah shoh
Kam pher ei-ei
Namar nga tip por kan sa wan
Jingkit ha nga kin ban
Bad phi ruh por phin nang her bran-bran
Por ba la leit kin ym wan phai (hu hu hu hu)

'Mat phuh samrkhie kan duh
Haba ia phi ngam lah ioh shuh
Shano ngan wad hangno ngan shem
Ko Syiem ka Ri shadem
Sa shisien hir-hir nga da kwah
Ban long pat u khynnah
Ki 'sai kudi ki 'sai tyllai
Miet sngi ban ia leh kai
Por ba la leit kin ym wan phai
Aiom baieid na ri ki rngai
Na nga phi phet ia phi ngam klet
Da lei-lei ruh
Wat la na nga sha jngai phi her
Jingmut sha phi ka per
Jingsuk jingsain ha phi nga la shem