Sa Sulyap Mo

Ang mga sulyap ko giliw
Kung iyong madarama
Ay mababatid mong tunay
Na minamahal kita

Ngunit 'di pansin man lamang
Ang wagas na pagsinta
Kung kaya sa pag-ibig
Ang puso ko'y nagdurusa

Ang awit kong ito
Kung iyong maririnig
Sayo'y maghahatid
Ng pag-ibig

'Pagkat sa labi ko
Ay hindi masambit
Ang wagas na pagsuyong
Nagbuhat sa aking dibdib

Ako'y nangangambang
Sa 'yo'y ipagtapat
Kaya sa pagsulyap
Ihahayag

Ang aking pagsinta
Kung mayro'ng pag-asa
Sa sulyap man lang, sinta
Sa aki'y ipadama

Sa sulyap man lang, sinta
Sa aki'y ipadama