Lettara Muta

U me sguardu s'appudda, ùn trovu ch'è bughjura
Hè nera la scrittura
Ùn ci hè versu
Ùn sò leghja ad avà è morgu d'ùn sapè D'ùn sapè O Savè

Hè quant'una prighjò d'ùn essa stata à a scola
Chì li manca a parolla
À stu fogliu
A me penna ùn sà scriva a lettara par tè
lè par tè, O Savè

O dì comu fà
Ùn possu dì nè palisà
Indu'sarà
Issa culomba,
Incù me cantu da purtà

Se'partitu O Tisò d'ùn sapè lu mi'amori
Avà mi trica l'ora
A primura
Chì ti voddu stracquà i mei li parè
Hè quant'hè O Savè

Da fà andà culà in I'Algeria strana
A nutizia luntana
A me pena
Quì tuttu mi s'hè spintu è morgu senza tè
Senza tè O Savè

Morgu di tè
Ùn la ti possu fà sapè
O Savè
Hè cusì ingratu d'ùn pudè

Carizzà quiddu fogliu è lampà ci li me sensi
Com'è fiori di carta da pudetti incantà
Signuzzà li me pienti intruscendu filari
Da caccianni altr'è tantu è po'fatti vultà

O Savè
Hè cusì ingratu d'ùn pudè
Ind'u sè

Carizzà quiddu fogliu è lampà ci li me sensi
Com'è fiori di carta da pudetti incantà
Signuzzà li me pienti intruscendu filari
Da caccianni altr'è tantu è po'fatti vultà

O Savè
Hè cusì ingratu d'ùn pudè
Ind'u sè
È po'fatti vultà