قلبي ياللي كلامي عندك

اللي باعني زمان
جاي راجع ليه
خدمة النسيان
اشتراكها فري
كلكم فترات
سرك في فقرات
واللي عدا وفات
مش بفكر فيه

قلبي يا اللي كلامي عندك
مش هطبطب مش هدادي
قولت ياما ونفسي أشوفها
ليه بتبقى كيوت قُصادي
فيس تو فيس حتاطي
مش هتمشي تراضي

عشت مع كله بمحبه
وحبة حبة اتخلو عني
خدت ضربه وراها ضربه
من اللي كانو بيقولو مني

في الدلع بيجولي
وفي المحن سايبيني
خلاص هعيشها بطولي
وربنا هيعني

اللي فات أوجاع
بس عدا وفات
واللي جاي وداع
هنسحب في سكات

لا متلزمونيش
حب تاني مفيش
لو هتيجي متجيش
عم عشم مات

ايوه هتمشي بكيفي
واللي مش على كيفي ظز
طول منا سالك وصافي
نفسي ثم نفسي بس
متربي يابا عالعز
عمري انا ما اتهز

انتو مش حمل الخصومه
جاتكو خيبه عيال تعر
وقعتو وملكمش قومه
مش هترسو كمان لبر

هيا شر بشر
وانا دمي مُر
ده اللي نافع فيكو
منفعش قد ما ضر

في المرايا بقيت
شكلي ايوا غريب
اصل انا اتخضيت
من قريب وغريب

لما كنت بخير
وبحب الغير
ظلمو فيا كتير
وقالولي نصيب

ياللي كلت فحقي قولي
شبعت ولا جعان زياده
ليل نهار انا بدعي ربي
ما تقبلش فيوم سعاده
اصلها ببساطه
انا مش هتراضه

عمري ضاع على ناس خبيثه
بس باعو مقدروش
عملت سعر لناس رخيصه
قليلين وما يتشفوش

اصلكو متسوش
بتغيرو في وشوش
نفسي اشوف فيكو سالك
كلكو على فشوش