Chafouni Zawali

# أكرم ماغ

شافوني زوّالي ما عنديش المال
يضويوعالبرّاني الي عندو المال
لا محبّة لا صواري يحبّو المتريال
الأورو و الدولار و حڨرتو الرجّال

# بلطي

شربت الويسكي ساك ولا إسمي جوني
يمين و يسار نتّكى و عقلي موش هوني
زوّالي و رجّال معملتش الدّوني
و المحبّة و الفراق يحكم فيهم الموني
هاذي بلاد السّراقة الكلاب يعظّوني
كان جيت مالفلّاقة ياو نجبد مقروني
و ماني مشتاق نشم يديّا يشبعوني
و الصّاحب إلي خاواك لحّاس و ضبعوني
كان معبّي بحذاك و فارغ هجروني
كي ضاق عليك الخناق ما هزّو على تليفوني
هاذي بلاد النّفاق نمسكي غادي و هوني
مشاولك بهواك و في لخّر غدروني
قلـــــــوب كحلة حشـــــاك قليل إلي حبّوني
قليل إلي شراك كثرو كان إلّي باعوني
و الدّنيا تكتاكة زوّالي تركوني
خلات الرّجال هكّـــاكة و عطات للزّكموني

# أكرم ماغ

شافوني زوّالي ما عنديش المال
يضويوعالبرّاني الي عندو المال
لا محبّة لا صواري يحبّو المتريال
الأورو و الدولار و حڨرتو الرجّال

# بلطي

أش نحكي يا عشيري سربي سربي كريرو
حومة تيري فيري نهاري كي غيرو
نخدم نهار و ليلي زوالي عالزيرو
لحم كتافو من خيري إلي قاعد فالبيرو
نتكيف في دزيري ديمة معلّق زيرو
فالحومة المزيري ما عنّاش نطيرو
قصّــو جناح الطّيري و الغربان يطيرو
في بلاد التلّّـــــــلّيري سلّكها إلّي شاد بنديرو
يا دمعة ما تسيلي ربّي يعطي خيرو
مون أمور ما شيري قلقت شوفي غيرو
شامت فيّا غيري رقّاص و حقيرو
اليوم إنت تحقيري غدوة أنا نحقيرو
كلبوني قصيري و العظام نرميلو
فيفي عبدو ميلي مع الأرياح تميلو
و مالهم يا حليلي و من ربّي يا ويلو
و إلي ضيّق سفيلي أنا نضيّق سيفيلو

# أكرم ماغ

شافوني زوّالي ما عنديش المال
يضويوعالبرّاني الي عندو المال
لا محبّة لا صواري يحبّو المتريال
الأورو و الدولار و حڨرتو الرجّال

# بلطي

طابع في باسبوري و ضربة كازينو
ولاّ حرقة في بابوري و نريسكي في تورينو
القعدة خمّوري زيد سربيني جوينو
خمسة و حوتة بوري وقرن غزال في عينو
بلادي طرطوري حاكم جازق بدينو
أه يا تونس دوري خلّي نجيب بامبينو
إلي سارقلي فطوري طابع صلاة على جبينو
هاني مسجّــــــل حضوري و المستقبل وينو
يبيّتها في شان يصبّحها في شان
هو عظيم الشّان وحدو يعطي لمان
المال ذهب الشّيرة خلّى النّاس في حيرة
رجال و نسوان على الدّينار تدوان

# أكرم ماغ

شافوني زوّالي ما عنديش المال
يضويو عالبرّاني الي عندو المال
لا محبّة لا صواري يحبّو المتريال
الأورو و الدولار و حڨرتو الرجّال