Kiya Muhammad Ka Piyara

میرے نانا نبی میری ماں سیدہ
میرا بابا علی میرا بھائی حسن
ہم ہی ہیں پنجتن میری کیا ہے خطا

مجھ پہ کیوں بند کرتے ہو پانی
کیا محمد کا پیارا نہیں ہوں
کیا میں زہرا کا جایا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

میرے نانا نے کلمہ سیکھایا
اور قرآن تم کو سُنایا
کیا میں نانا کا سایہ نہیں ہوں
کیا نبی کا نواسا نہیں ہوں
مجھ پہ ۔۔۔۔۔

وہ مدینہ جہاں میرا گھر ہے
اور مسجد میں اُس گھر کا در ہے
کیا میں اُس گھر میں کھیلا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

چکیاں پیس کر ماں نے پالا
مجھ کو نانا نے جھولا جھُلایا
اپنا بچپن میں بھولا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

کملی والے کے لب چومتا تھا
کتنا پیارا میرا بچپنا تھا
کیا میں اُن کا دُلارا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

میں جو پانی کبھی مانگتا تھا
کیون تڑپتی تھی ماں اب میں سمجھا
پاس اصغر کے جاتا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

میں جو چاہوں برس جائیں بادل
خوں میں ڈوبا نظر آئے مقتل
جنگ کرنے میں آیا نہیں ہوں
کیا نبی کا نواسا نہیں ہوں
مجھ پہ ۔۔۔۔۔

اک صدا تھی یہ ریحان و سرور
کہہ رہے تھے حسین ابنِ حیدر
کیا میں مہمان آیا نہیں ہوں
کیا نبی کا نواسا نہیں ہوں
مجھ پہ ۔۔۔۔۔