Sri Narasimha Mangalam

॥ ಶ್ರೀನೃಸಿಂಹಮಂಗಲಮ್ ॥

ಘಟಿಕಾಚಲ ಶೃಂಗಾಗ್ರ ವಿಮಾನೋದರ ವಾಸಿನೇ ।
ನಿಖಿಲಾಮರ ಸೇವ್ಯಾಯ ನರಸಿಂಹಾಯ ಮಂಗಲಮ್ ॥ 1॥

ಉದೀಚೀರಂಗ-ನಿವಸತ್ಸುಮನಸ್ತೋಮ ಸೂಕ್ತಿಭಿಃ ।
ನಿತ್ಯಾಭಿವೃದ್ಧ ಯಶಸೇ ನರಸಿಂಹಾಯ ಮಂಗಲಮ್ ॥ 2॥

ಸುಧಾವಲ್ಲೀ-ಪರಿಷ್ವಂಗ-ಸುರಭೀಕೃತ-ವಕ್ಷಸೇ ।
ಘಟಿಕಾದ್ರಿ-ನಿವಾಸಾಯ ಶ್ರೀನೃಸಿಂಹಾಯ ಮಂಗಲಮ್ ॥ 3॥

ಸರ್ವಾರಿಷ್ಟ-ವಿನಾಶಾಯ ಸರ್ವೇಷ್ಟ-ಫಲದಾಯಿನೇ ।
ಘಟಿಕಾದ್ರಿ-ನಿವಾಸಾಯ ಶ್ರೀನೃಸಿಂಹಾಯ ಮಂಗಲಮ್ ॥ 4॥

ಮಹಾಗುರು ಮನಃಪದ್ಮ ಮಧ್ಯ ನಿತ್ಯ ನಿವಾಸಿನೇ ।
ಭಕ್ತೋಚಿತಾಯ ಭವತಾತ್ ಮಂಗಲಂ ಶಾಶ್ವತೀ ಸಮಾಃ ॥ 5॥

ಶ್ರೀಮತ್ಯೈ ವಿಷ್ಣುಚಿತ್ತಾರ್ಯಮನೋನಂದನ ಹೇತವೇ ।
ನಂದನಂದನ-ಸುಂದರ್ಯೈ ಗೋದಾಯೈ ನಿತ್ಯಮಂಗಲಮ್ ॥ 6॥

ಶ್ರೀಮನ್ಮಹಾಭೂತಪುರೇ ಶ್ರೀಮತ್ಕೇಶವ-ಯಜ್ವನಃ ।
ಕಾಂತಿಮತ್ಯಾಂ ಪ್ರಸೂತಾಯ ಯತಿರಾಜಾಯ ಮಂಗಲಮ್ ॥ 7॥

ಪಾದುಕೇ ಯತಿರಾಜಸ್ಯ ಕಥಯಂತಿ ಯದಾಖ್ಯಯಾ।
ತಸ್ಯ ದಾಶರಥೇಃ ಪಾದೌ ಶಿರಸಾ ಧಾರಯಾಮ್ಯಹಮ್ ॥ 8॥

ಶ್ರೀಮತೇ ರಮ್ಯಜಾಮಾತೃ-ಮುನೀಂದ್ರಾಯ ಮಹಾತ್ಮನೇ ।
ಶ್ರೀರಂಗವಾಸಿನೇ ಭೂಯಾತ್ ನಿತ್ಯಶ್ರೀಃ ನಿತ್ಯಮಂಗಲಮ್ ॥ 9॥

ಸೌಮ್ಯಜಾಮಾತೃ-ಯೋಗೀಂದ್ರ ಚರಣಾಂಬುಜ-ಷಟ್ಪದಮ್ ।
ದೇವರಾಜಗುರುಂ ವಂದೇ ದಿವ್ಯಜ್ಞಾನಪ್ರದಂ ಶುಭಮ್ ॥ 10॥

ವಾಧೂಲ-ಶ್ರೀನಿವಾಸಾರ್ಯ-ತನಯಂ ವಿನಯಾಧಿಕಮ್ ।
ಪ್ರಜ್ಞಾನಿಧಿಂ ಪ್ರಪದ್ಯೇಽಹಂ ಶ್ರೀನಿವಾಸಮಹಾಗುರುಮ್ ॥ 11॥

ಚಂಡಮಾರುತ-ವೇದಾಂತವಿಜಯಾದಿ-ಸ್ವಸೂಕ್ತಿಭಿಃ ।
ವೇದಾಂತ-ರಕ್ಷಕಾಯಾಸ್ತು ಮಹಾಚಾರ್ಯಾಯ ಮಂಗಲಮ್ ॥ 12॥