Maydoum

ما يدوم غير الصح والصدق والصفاء
علاش رايك تالف تجري بلا عقل
ما يدوم غير الله، واللي ما شفى
راه يندم في حياته كل ما عمل
راه يندم اللي يدخل في القلوب
تقول موس الماضي عمره ما حفى
راه عارف روحه يشالي بلا سيوف
و إلا تقول يتمشى على الشوك بالحفاء
داير روحه ما يسمع ولا يشوف
حتى رجعت منه يداته خايفة
ما يدوم غير الصح والصدق والصفاء
علاش رايك تالف تجري بلا عقل
ما يدوم غير الله، واللي ما شفى
راه يندم في حياته كل ما عمل

كل واحد بأصحابه يتلايموا صفوف
شحال من هم خان العهد ما وفى
واحد سعده يرموا في الكف ما يحوف
والآخر يطلب غير العفو والمساعفة
واللي صافي في قلبه ما عليه خوف
واللي ناقص سعد أفعاله ناشفة

ما يدوم غير الصح والصدق والصفاء
علاش رايك تالف تجري بلا عقل
ما يدوم غير الله، واللي ما شفى
راه يندم في حياته كل ما عمل

يا الفاهم إقرأ وإثبت ع الحروف
خذ حذرك راها الأيام تالفة
إذا أعطى لك سعدك تمشي تحج وتطوف
وإذا الزمان تبدل، يعطيك بالقفى
البخيل ما يصدق ولا يمد معروف
والكلام الناقص أجمار ناطفة
ما يدوم غير الصح والصدق والصفاء
علاش رايك تالف تجري بلا عقل
ما يدوم غير الله، واللي ما شفى
راه يندم في حياته كل ما عمل

يا أحبابي العقل هايم صار مخطوف
عييت ما نصبر في قلبي ما كفى
ما نغير حالي واللي راه مخلوف
عييت ما نطمن والوعد بالجفاء
ما بقى لي نحكي سري يعود مكشوف
والعفو من الله للناس كافة