Zekryatna El Helwa

نفسي أدخل جوه قلبك،
وبعيوني أشوف مكاني
واللي عشته قبل حبك،

وانتي جنبي أعيشه تاني

ابقى أحلام بينادوكي،
حضن م الأيام يدفّي
وقت ضعفك ابقى ابوكي،
وابقى ابنك وقت ضعفي

نفسي اكونلك كل حاجة،
وكل حلم بتناديه
كل كلمة بتقوليها،
كل احساس حاسة بيه

أترسم جوه ف ملامحك،
ع الزمن والدنيا اصالحك
وابقى دمعة فرحة نازلة،
من عينيكي الحلوة دي

نفسي لما تقولي نفسي،
اللي نفسك فيه تلاقيه
لما يخرج مني نفسي،
انتي بس تعيشي بيه

لو تقولي الآه دقيقة،
أتوجِع من جوه قلبي
ابقى فرحك وقت ضيقة،
بقى تعبك هوّ تعبي

نفسي اكونلك كل حاجة،
وكل حلم بتناديه
كل كلمة بتقوليها،
كل احساس حاسة بيه

ذكرياتنا الحلوة تكتر،
نفسي وانتي معايا نكبر
نتسند على بعض يومها وتضحكيلي الضحكة دي