Himayang Nahunlak

Ingon sa gimino karon kining kalag ko,
Daw gibilanggo intawon sa usa ka damgo.
Wala ko masayod kung unsa ang angayng buhaton,
Handumon ka ba, kasilagan ka ba,
Ug kalimtan na lang?
Ingon sa gihaya karon kining galamhan,
Walay umoy bisan dyutay ning balatian,
Gani sa luha ako nahubsan,
Wala nay umoy kining dughan nga nagbangutan.
Nahugno, nagun-ob,
nahunlak ang akong himaya,
Nahugno, nagun-ob,
nahunlak sa imong pagbiya.
Wala kukalooy ako nga gibudhian,
Wala kukalooy ako nga gitalikdan.
Patay na ang kanhing puno sa hudyaka.
Patay nang pagbating nalumsan sa mga luha.
Kanako wala nay bili ning kinabuhi
Sukad ka nagbudhi kanako nga akong pinili.
Busa sa hilom nangandoy na lamang,
Nangandoy matapos na lang ang tanan.

Nahugno, nagun-ob,
nahunlak ang akong himaya,
Nahugno, nagun-ob,
nahunlak sa imong pagbiya.
Wala kukalooy ako nga gibudhian,
Wala kukalooy ako nga gitalikdan.
Patay na ang kanhing puno sa hudyaka.
Patay nang pagbating nalumsan sa mga luha.
Kanako wala nay bili ning kinabuhi
Sukad ka nagbudhi kanako nga akong pinili.
Busa sa hilom nangandoy na lamang,
Nangandoy matapos na lang ang tanan.