O Munasterio

Jettaje 'stu core mio 'mmiez' a la strata
E 'ncopp'a 'na muntagna mme ne jette
E, pe' 'na passiona disperata
Monaco 'e San Francisco mme facette

"Tuppe-tù!" "Chi è"
"Ccà ce stess'uno ca ll'è caduto 'o core 'mmiez'â via?"
"Bella figliò, ccà nun ce sta nisciuno
Va', jatevenne cu Gesù e Maria!"

Se ne jette cantanno: "Ammore, ammore
Cchiù nun te vò zi' monaco vicino!"
E p' 'a muntagna se purtaje 'stu core
Arravugliato dint' 'o mantesino