Jab Tere Shehar Se Guzarta Hoon

Dil bhi karta hai yaad chhup kay tujhe
Naam leti nahi zuban tera
Kis se puchoon ga mai khabar teri
Kaun batlaey ga nishan tera
Teri ruswaiyon se darta hoon
Jab tere shehar se guzarta hoon
Teri ruswaiyon se darta hoon
Hale dil bhi na keh saka garchei
Tu rahi muddaton qareeb mere
Tu mujhe Chhor kar chali bhi gai
Kher qismat meri naseeb mere
Ab mei kyun tujh ko yaad karta hoon
Jab tere shehar se guzarta hoon
Woh zamana teri muhabbat ka
Aik bhooli hui kahani hai
Kis tamanna se tujh ko chaha tha
Kis muhabbat se haar mani hai
Apni qismat pe naaz karta hoon
Jab tere shehar se guzarta hoon
Koi pursane haal ho tou kahun
Kesi aandhi chali hai tere baad
Din guzara hai kis tarah mene
Raat kese dhali hai tere baad
Roz jeeta hoon roz marta hoon
Jab tere shehar se guzarta hoon
Roz jeeta hoon roz marta hoon
Jab tere shehar se guzarta hoon
Woh jo kehte hain mujh ko deewana
Mei unhe bhi bura nahi kehta
Warna aik benawa muhabbat mei
Dil ke lutne pey kia nahi kehta
Mei tou mushkil se aah bharta hoon
Jab tere shehar se guzarta hoon
Aaj bhi karzare hasti mein
Tu agar aik baar miljae
Chain ajae arzuon ko
Hasraton ko qarar miljae
Jaane kia kia khayal karta hoon
Jab tere shehar se guzarta hoon