Besm haq ou l'amour

شي كتان شي حرير وشي قماش؛ شي هايم في الطرقان في نهارو ما تغداش
كلما ظلامت ليام يدورو بينا الحناش؛ وديوبا بالنيبان وحنا نبقاو بلاش
بالجوع تحمى لعقول ومن الشر تشعل la mèche
ومعاكم عركا و باڭار و معاكم ما تفراش
آه يا مرزوم الطمع يا زاوية التكراش؛ الراش الراش الراش الراش,
آه يا مرزوم الطمع يا زاوية التكراش؛
ايجي نهاركم محراش فيه شعبنا ما يرضاش
الجنان اللي كبرنا فيه واحد ماراضي بيه؛
غير الديوبا حارسينو وكلامهم دايرين بيه
كاين اللي يجول فيه والنوار يسليه واللي مالهب الورد هاداك يعفس عليه
تعيا يڭول الجمهور باسم الحق ولامور, لامور لامور و المحبة ولامور
لامعلم لا ديريكتور لا قانون لادستور
آه واذا درتو القانون القانون لازمو يكون يكون يكون يكون يكون
آه واذا درتو القانون القانون لازمو يكون؛
ماشي ٻيستون بالعربون والرشوة بلا صابون
الخروف قالو معروف والديب ديما
ملهوف؛ وجه العديان مكشوف ورزق الناس منتوف
بالطمع راه معلوف ومازال طويلة الطوفة؛
طوفة على زمان الخوف والرهبة عمات الشوفة
هذا صمت الخيان صحاب الرجلة المرخوفة
والقفة في بلاتني اربان شوف الغلة مخطوفة--
سكنت الماريكان باسم العملة المصروفة
ماكاين غير النيف اللي رافد السيف من بعيد يبان ضعيف غير هو اللي عنيف
يعرف ريحت البارود ويعرف ريحت الكيف
بلا بيه طيح القيمة اوتتكركب في الرصيف
واللسان يعواج و يلفظ عمرو ماكان متين
والسنان تمدغ وتكدد في الغاب الطماعين
والفم يفتي دروس وضروسو مسوسين
والعين شاهدة بالدموع تملح خد المسكين
ماكاين غير النيف