Kemey Aleki

ከሜለኺ ዝናፍቐኪ ፍቕረይ
ኣቤሎኺ ዝናፍቐኪ ፍቕረይ
እኽለ ማይ ኣቢኒ ምስ ተረፍኩ ንበይነይ
ኣይወግሕን ኢሉኒ ጸቢቡኒ ዓቕለይ

መሬት ንርእሳ ኢላ ክትወግሕ ክጽበ
ኣሕሊፈዮ ጸልማት ሓሳብ ተጎልቢበ
መሬት ንርእሳ ኢላ ክትወግሕ ክጽበ
ኣሕሊፈዮ በይነይ ሓሳብ ተጎልቢበ
መዓልታት ነዊሑኒ ክጽብጽብ በብሓደ
ይሓልፈለይ ተበልኩ መሊሱ ዝገደደ
መሊሱ ዝገደደ

ጸዊዐኪ ነይረ ኣይሰማዕክንን ዓንተቦ
ኣብቲ እዋን ጽልግልግ ጸሓይ ዓራርቦ
ጸዊዐኪ ነይረ ኣይሰማዕክንን ዓንተቦ
ኣንቲ ጽላል ኣውሊዕ ጽላል ዓባይ ዳዕሮ
ኣየድሃብክለይን ኣይረኸብኩን ንዕድል
ሰላም እኳ ኽብለኪ ሰላም እኳ ኽብለኪ
ንደቓይቕ ከዕልል

ተሻቒለ እምበር ደሃይኪ ጠፊኡኒ
ሰሙናት ሓሊፉ ካብ ዘይትመጽኒ
ነገር ሓቂ ድዩ ወይስ መኒኽኒ?

ኣቤለኺ ዝናፍቐኪ ፍቕረይ
ከሜሎኺ ዝናፍቐኪ ፍቕረይ
እኽለ ማይ ኣቢኒ ምስ ተረፍኩ ንበይነይ
ኣይወግሕን ኢሉኒ ጸቢቡኒ ዓቕለይ

ክፉእኪ ኣይደልን ሕማም ድኻም ናትኪ
እጠራጠር ግና መኒኽኒ ዲኺ
ክፉእኪ ኣይጽበን ሕማም ድኻም ናትኪ
እጠራጠር ግና መኒኽኒ ዲኺ
ኣይትርሓቒ ካባይ ኣይትፈለይኒ
ኣይጥጥዕን ኢዩ ሓረግ ዘይብሉ ወይኒ
ሓረግ ዘይብሉ ወይኒ

ጸዊዐኪ ነይረ ኣይሰማዕክንን ዓንተቦ
ኣንቲ ጽላል ኣውሊዕ ጽላል ዓባይ ዳዕሮ
ጸዊዐኪ ነይረ ኣይሰማዕክንን ዓንተቦ
ኣብቲ እዋን ጽልግልግ ጸሓይ ዓራርቦ
ኣየድሃብክለይን ኣይረኸብኩን ንዕድል
ሰላም እኳ ኽብለኪ ሰላም እኳ ኽብለኪ
ንደቓይቕ ከዕልል

ሰንፈላል ጌርክኒ ጎቦ ልበይ ፈኸምታ
ሓሳበይ መዕረፊ ስኢነሉ ቦታ
'ቲ ኩናት ፍቕርኺ ኣይርከቦን'ዩ ዋልታ

ሰንፈላል ጌርክኒ ጎቦ ልበይ ፈኸምታ
ሓሳበይ መዕረፊ ስኢነሉ ባይታ
'ቲ ኩናት ፍቕርኺ ኣይርከቦን'ዩ ዋልታ