A Tamralt

A tamɣart celx abzim-im
Iwexxed ikem mmi-m
Yefka tayett i yeεdawen

Ula i dam-d-iga ttexmim
Ḥerz imeṭṭawn-im
Rnu-t ɣer wid yemmuten

Lemmer di-s-terriḍ aḥkim
Ur d-ittneqlab ɣer yiri-m
At-tzuxxeḍ yiss gar medden
At-tzuxxeḍ yiss gar medden
Aah!

Sikked s-anda i-kem-yessaweḍ
Ɣaf uḥezzeb yerkeḍ
Ur d-iǧǧi iseɣ di lǧeṛṛa-s

S-anda akken imeyyez yewweḍ
Ihemmej yesseḍ
Di zik tenwi-d-ṭ d asalas

Asmi ara-s-irad ad yenfeḍ
U tzzemreḍ a t-id-jebreḍ
Zzman a s-d-iḥud tilas
Zzman a s-d-iḥud tilas
Aah!

Isserbaḥ deg xṣimen-is
Iweddef atmaten-is
Am-akken d nitni i s-tt-igan

Nnif yerra-t d asefl-is
Inneḍ-it i wallaɣ-is
Iẓẓul fell-as deg ɣeẓran

Ur ḥezzen ɣef lmut-is
Ur testenfaε tudert-is
D akal as-ixdmen ccan
D akal as-ixdmen ccan
Aah!

Deg ixf-im ṣṣber ẓẓu-t
Ssway-it d ttbut
S yiss at-tqazmeḍ ussan

Beggen-asen-d d-ttameṭut
Ttigejdit n tmurt
Zdi lqedd-im deg zenqan

Xas texṛeb taεrεq tefsut
Tasa-m as-tesrugmut
Ur telli tiyita deg meɣban
D lakul i-d-as-tt-igan

Ur telli tiyita deg meɣban