A Yemma

Deg ujeǧǧig n yefran mi ɛecqeɣ
Ur wehhmet a medden
Mačči di leɛqel i nxeṣṣeɣ
D ul-iw i iḥemqen

Deg ujeǧǧig n yefran mi ɛecqeɣ
Ur wehhmet a medden
Mačči d tisselbi ay selbeɣ
D ul-iw i iccewwlen

Ayemma yemma
Terẓa-yi tmara
Giɣ abrid i yeɛdawen
Ad ṛwun taḍṣa
Giɣ abrid i yeɛdawen
Armi ṛwan taḍṣa

Ssewweɣ lexṛif s iḍudan
Lebɣi-w a t-kellxeɣ
Ɣileɣ am kem ulac tin yellan
Asmi i kem-xtaṛeɣ

Ayemma yemma
D acu-t akk waya
Ayen yakk fi ɛetbeɣ nuḍḥeɣ
Ur t-ɣliteɣ ara

Ɣef medden tedher-d tesfut
Ǧǧuǧǧgent tɣezza
Fell-i iɣemɣumen n tagut
Uɣen yal tama

A yemma yemma
Ur fṛizeɣ ara
Ẓẓher-iw yeẓheḍ tawwurt
Ur d-ibrin ara

Keṛheɣ rriḥa n tmeṭṭut
Ula di tnafa
Menyif ay ɛeddan ifut
Wala yir ṭtmeɛ

Ayemma yemma
Ur iyi-ttnadi ara
Ammer ma beddleɣ tamurt
Ad beddlent tirga