Emougregh

Mmugreɣ At Yiraten
Briɣ i usawen
Iṭij iḍall deg tɣaltin
Mmugreɣ At Yiraten
Briɣ i usawen
Iṭij iḍall deg tɣaltin

At Ɛissi mebɛid la ttbanen
Yewweḍ-iten leḥzen
I yeḍran ma rẓan-t lesnin

Ɣef yiɣsan n widak xenqen
Deg tmura ibeɛden
Iḍher-iyi yeḥzen wedrar meskin

Ɣef yifran ḍallent wallen
Ikbel-aɣ leḥzen
Tafat tejbed-d iman-is

Ma d adrar i aɣ-iḥurben
Yuccaf seg yidammen
Seg urebbi-s i ddmen mmi-s

Iḍes yekseb imdanen
Seg yiles i ten-qqsen
Ktalen i wegdud tardast s lqis

Ṭlam iɛjel-d tikli-s
Iḥar s amekkan-is
S leḥzen i iɣumm tafat

Teḍher-iyi tmeṭṭut s mmi-s
Teẓmeḍ afus-is
Fell-asen lehwa tekkat

Tesla wwin argaz-is
Ur teḥkim iẓri-s
Wiss ma ad as-t-id-terr s axxam teswiɛt

Acḥal n widak-n wwin
Ar ass-a ur d-zzin
Wiss tasraft ideg iten-rran

D ilmeẓyen d telmeẓyin
Deg waluḍ ɣlin
Rran-ten dayen ur llan

I widak deg zzman yukin
Ɣebban-ten lesnin
Gar rebɛa n leḥyuḍ ass-a ay d-gran
I widak deg zzman yukin
Ɣebban-ten lesnin
Gar rebɛa n leḥyuḍ ass-a ay d-gran