The Highland Division's Farewell to Sicily

The pipie is dozie, the pipie is fey
He winna come roon' for his vino the day
The sky ow'r Messina is unco an' grey
An 'a' the bricht chaulmers are eerie

Then fare weel ye banks o' Sicily
Fare ye weel ye valley and shaw
There's nae Jock will mourn the kyles o' ye
Puir bloody bastards are wearie

And fare weel, ye banks o' Sicily
Fare ye weel, ye valley and shaw
There's nae hame can smoor the wiles o' ye
Puir bloody bastards are wearie

Then doon the stair and line the waterside
Wait your turn, the ferry's awa'
Then doon the stair and line the waterside
A' the bricht chaulmers are eerie

The drummie is polisht, the drummie is braw
He cannae be seen for his webbin' ava
He's beezed himsel' up for a photo an a'
Tae leave wi' his Lola, his dearie

Ten fare weel, ye dives o' Sicily
Fare ye weel, ye shieling an' ha'
And far weel mind byres and bothies
Whaur kind signorinas were cheerie

And fare weel, ye dives o' Sicily
Fare ye weel, ye shielings an' ha'
We'll a' mind shebeens and bothies
Whaur Jock made a date wi' his dearie

Then tune the pipes and drub the tenor drum
Leave your kit this side o' the wa'
Then tune the pipes and drub the tenor drum
A' the bricht chaulmers are eerie