Buechdruck

I bi nid hei cho hüt ir nacht
i heig mi ufgfüert bi der budefiir
i bi dert glandet
wo d buebe bös si und d meitschi tüür
i bi nid go schaffe hüt am morge
i bi eifach blybe lige
am zwöufi steit der ruchti i der türe
u seit i müessi nümme cho

i wott hüt nid scho wieder
todesaazeige drucke
mit all de näme vo all dene arme gschtorbne lüt
i wott hüt nid scho wieder
lieber büglen ig vergäbe
i wott hüt nid scho wieder mit em ruchti rede

i bi nid ufgwacht hüt am morge
es isch my gottseel scho mittag gsi
u i cha mir sälber nid erkläre
warum dass i so truurig bi
sys di böse buebe di tüüre meitschi
oder die arme gschtorbne lüt
es isch dr bleisatz wo mi abeschriisst
i wott nume furt vo hie u süsch nüt

der ruchti seit i sig e fuuli sou
u s glyche seit o syni frou
wo nümm da isch
blöd schnurre cha jede
aber i weiss genau
i wott nie meh mit em ruchti rede

i ha e z höche buechdruck
aber d frou dokter seit es chönn nüt si
aber gliich gschpüre ni töif dinn i mir
mys zipperli
mir isch heiss mir isch heiss
u es heisst es wird no heisser
bi schpät heichoo ha schlächt gschlafe
u ersch no tröimt i sygi tot

i wott hüt nid scho wieder truuraazeige drucke
i packe myni siebe sache zäme
i weiss es git e längi reis
i wott hüt nid scho wieder
i bi no am läbe
i wott hüt nid scho wieder mit em ruchti rede