Muling Pagbigyan Ang Pag-Ibig

Kung marinig sa ingay ang tinig
At kung madama sa tigang nang damdamin
Sana mabuhay ang bugso sayong puso
Muling pag bigyan ang pag-ibig

Kung meron pang halaga ang alaala
Nung minsan pang tayo'y magkasama
Sana ay dinggin ang aking munting hiling
Muling pagbigyan ang pag-ibig

Pag aalinlangan, itabi ngayong gabi
Mga pagkukulang ay ating pupunan
Ng pag mamahalan kukumutan ang lamig
Ang palad nati'y hawakan
Ang bukas ay hagkan

Tila tala kusang nag niningning
Ang buwan nagising sa ulap ng himbing
Ang hinaing ng nakaraan natin
Muling pagbigyan ang pag-ibig

Pag aalinlangan, itabi ngayong gabi
Ang palad nati'y hawakan
Ang bukas ay hagkan

Kay saya ng ating pagsinta
May luha palang puno ng tuwa
Kahit nasaktan at naranasang masawi
Ang pag-ibig nag wawagi

Parang awiting
Pagulit-ulit kakantahin
Muling pagbigyan ang pag-ibig