Scena Delle Ingiurie / Finale (Medley) (1998 Digital Remaster)

-Fermi tutti, un momento, la chianella l'ha persa proprio mia figlia
- Oh, non interrompè,
se la chianella vuole provè, assettè e insieme all'ate aspettè
- Eh! E non ti incazzè!
Assettate a mammà perché la chianella l'hai perza propetamente tu
- E capit' a'mammà,
assettate perché la chianella l'hai perza propetamente tu!
- Mammà chella sfotte
- Chi a mammà?
- Chella!
- Nunn'è o ver'
- E si pure buciarda
- Aè teterenè, abbada a comme parli,
ca si nò la chianella te la faccio trasire per bocca!
- In bocca!
- A mme?!
- A te!
- Vajassa!
- Chest' a mme?!
- Eh, chest' a te!
- Chest'o figlie d'o rre!
- E hai ragione che non mi posso abbassare con te, ca si na lavannara
- Scampul r'alless! Nun te permetter' o ssaje
- Scampul' r'alless a mia figlia?!
Misura sta valanza, pecché si no te faccio imparare la crianza!
- Chi parla de crianza, verite, sta janara!
- Assettate a te, sfelenza!
- Scigna, rosecacucchiara!
- A te e a sti cajotole!
- Comm'e ritt?
- Ha ritt' cajotola, proprio accussì!
- Cacatronolas, cacatronolas!
- Uè e vien' a ccà,
ca cchiù nun m'ammisur e te ncas' dint' a
stu cufanatur' a te e a sta Pirchipetola!
- Pirchipetola a mme? Cacatronola!
- Comm'è ritt?
- Ha ritt' cacatronola, aggie ntis' bbuon'!
- Oiné, ma tu stai sempre aret' a me? Ma va cammina, va'!
- Cacatronolas, cacatronolas!
- Eh cacatronolas, culumbrina! Si te mette e mman' a chesti zervole,
te faccie lu strascin e po fa venì a mammeta ca te fa tanta
vierr' e tanta vruoccole, ca pruvarrai che pise hann' sti zuoccol'!
- A chi fai pruva zuoccol'?
- A tte!
- Si m'abboffa la guallera ca schiatta,
ve smafer' lu mazz' a tutt'e quatt',
e specialmente a te c'o tien gruoss', statt' attient' a te!
- Tu smafer' la pasca ca t'enfrasc' pe lu frisc' e la ventresca!
Je si t'afferr' can nun m'avot' lu stommac' te sfravec' sta faccia de
cantero, t'ammatont' chist' uocchje,
te scomm' e sanche, e po te sguarr' cca miez'!
- Aspett' a mammà, sta a sentì...
comme si je mo nun sapesse rispondere a na chiarchiolla, guitta,
spitalera, sorchiamucco, jetta canter',
pisciapettola, puzzacotola, merdosa e bavosa comm'a ttè!
- Che minuetto!
- Eh, e mo ve faccie sentì a quadriglia!
Je mo' pe sfilà la maglia comm' se
compete avarria tenè a stessa vocca ca tien tu
- Ma nun a tien'
- E nun' a pozz' tenè, e no!
Pecchè siccomm' a vocca mia addora e rose e ciur', saje che te ric'?
Papera, guallarosa, cacciamunnezza, nettalatrina, stuppagliosa,
lavamappina ca nun si at'!
Ma va te jett' dint'a na chiavica maest'
e 'mbruscinace chesta lengua pe dinte, va'!
Ih, che rose e ciur'!
- Sti parole toje me vann' linde e pinte 'nfaccia a stu cul',
sul' pe' cacartele n'ata vota dint'a stu cannarone fracet' ca tien'!
- No, no, no, no, ca tien' tu e chella meza pruasa e figleta!
- Lasseme, oi mà,
ca le voglio ricamà sta faccia cu chest'ogne a sta zozzosa!
- Nun t'aggità, a mammà!
- Ma che vuò arricamà? Oiné, lassateme!
- Lasciatela!
- Ma va cammina, va', tiè, aparam' 'sta mappin'!
- Buonanotte, mo' vene l'ammujna!
- Mammà, falla fernì a sta puttuler', brutt' cul' e chianella!
- Musica! Che si avvii la tarantella!