Dardi Dll

دەردی دڵ بۆ کێ بەیان کەم دڵ کە نالاوێتەوە
ئەو گڕووی گرتویە چی بکەم بێ تۆ ژیر نابێتەوە
بەفری بەفران بارە بێ بای وەعدە قەت ناچێتەوە
ئەی خودا کەنگێ عەزیزی ئەو دڵەی من دێتەوە
ئەی خودا کەنگێ عەزیزی ئەو دڵەی من دێتەوە

وێنەکەت دەرمانی سەر جەرگی برینداری منە
وەختی دڵتەنگی بە بێ تۆ هەر ئەوە یاری منە
دیتنی ڕووناکی بۆ دوو چاوی جۆباری منە
تاکوو لێت دوورم عەزیزم شیوەنت کاری منە
تاکوو لێت دوورم عەزیزم شیوەنت کاری منە

چاوەکانم چاوەکانم بەسیە غوربەت بێرەوە
چۆن بژیم ئاخر عەزیزم تۆ لەوێ و من لێرەوە
چۆن بژیم ئاخر عەزیزم تۆ لەوێ و من لێرەوە

باوەڕی نایە بە ژینم دڵ بە دەس جزیەتەوە
خۆشە ڕوح دەربێ و بە جارێ بیخەمە ژێر پاتەوە
چونکە تەنها هەر دڵێکە و سەد بەڵا دەیباتەوە
چەرخی چەپ گەر لێم بە قینە دەس لە من ناکاتەوە
چەرخی چەپ گەر لێم بە قینە دەس لە من ناکاتەوە

چاوەکانم چاوەکانم بەسیە غوربەت بێرەوە
چۆن بژیم ئاخر عەزیزم تۆ لەوێ و من لێرەوە
چۆن بژیم ئاخر عەزیزم تۆ لەوێ و من لێرەوە