OOTA

البطة عاملة حكاية وجايبة الناس
لا ما يفيدش، واقف الكلام
إيه يا وليه إنتي وهي
ما كفاية صيحة
حتى جايبهالكو دوغري وصريحة
إن أنا ما بقيتش زي زمان

قابلني لو أهدى
يطلع مني ده في وهلة
إستنى خليك لما أندهلك
على خمسة كده إعملي قهوة
مش ذنبي إنك أهوج
ومفكر مالكها
عاليها واطيها في ساعتها
حلاوتها في حموتها
ما أصفيش أزميلي حتى لو في إيدي إني أموتها
هنا البكسة متاكلش، أنا أفوتها
حتى لو لافة ودايرة وعاملة حلاوتها
برة عنا لحاوسها
كل حية على بيتها
جرا إيه يا ولاد الحتة
مين فيكوا له شوق
ده اللي فيكوا مفخمها كنت بطولي رابطهولكوا في الطوق
محدش فيكوا قدرني أما قولت إنه كلب
حليتهولكوا بالذوق، عض كل واحد فيكوا وكل
شبع بعد جوع بطنه
بس بكرة صيام
بطلوا صياح
إديني رمضان
وإنتو عارفين القصد
يا تلاميذ الفصل
أنا لوحدي وده على سبيل الحصر
أدِب بصباعين النصر

ولا أي أي ولا زيي زي، أوتا
ولا أي أي ولا زيي زي، أوتا
ولا أي أي ولا زيي زي، أوتا
ولا أي أي ولا زيي زي، أوتا

اللي أقنعك إنك بتراب أهو مات وبقيت أنا فيها
ألو ألو ألو، كلموني ياما عشان أهينك
تحت رجلي ومش هشوطها، ده مش هدف لينا
بس علم على صحابك عشان بقت تيجي السيرة
خالتي وخالتك وإتفرقنا
من الكلبة نعوزش لو هتشبرقنا
محدش حمل إني أعسفه
ده أنا بس بعنفه
مش على مزاج حد إني أجيبه تحت رجلي وأكتفه
على الدغري محدش أجمد مني هنا ولو فيكو نفس أنا فيا الهوا
فيا البحر والسما سوا زي آخر عيني أما بجيب الدوا
مفيش قدامي غير إني أسبق
على مقاسك اللي يناسبك
نص أسياد على كل هزة
فِرد أزميلي عايزة تتهزأ
وأنا بطولة يلا، أسطورة يلا
هندسة نبرجلوا المنقلة
ونفتحوها قبل أما نحِلوا المسألة
والدكتور يعاند وأديله بالقلم
محدش فيكو حِمل جزة، هنا مفيش مبدأ إتجزأ
ناس تحب تتمزق، تسكر تبكي على المزة

ولا أي أي ولا زيي زي، أوتا
ولا أي أي ولا زيي زي، أوتا

قالوا إيه، قالوا إيه علينا دول
لو صدقتوهم غوروا في داهية
مبيشغلنيش
من الأول جيبتلكوا الناهية