Sa Isang Pangarap

Sa isang pangarap ikaw at ako
Ay magkahawak sabay sa pagsuyo
Sa isang saglit mundo nati'y magdidikit
Sa ating puso ay mayr'ong pag-ibig

Sa isang pangarap ako'y naririto
Hawak ang gitara umaawit sa 'yo
Sa isang saglit mundo natin ay liliit
Sa ating puso ay mayr'ong pag-ibig

Kahit sa panaginip lang kita nakikita
Kahit sa awit kong ito ka lang nakakasama
Puwede na...

Hindi naman mahirap mag-isip ng ganito
Basta't may malasakit
Basta't mayr'ong lalapit
Basta't mayr'ong isang bukal
At tunay na pag-ibig

Sa isang pangarap sa dulo ng mundo
Ay may pag-asang magkakatotoo
Sa isang saglit mundo natin ay liliit
Sa ating puso ay mayr'ong pag-ibig