Ala El Hamesh

خلاص خليك علي الهامش
ما تتكلمش ما تتألمش
و لو سألوك عن الاحلام
ترد عيوني لما تنام بتتكلبش و ما بتحلمش
خلاص خليك بين البين
بتضحك بس من غير صوت
و تحزن بس من غير دمعة
و تهمس بس همس سكوت
و تهرب للشقوق من الوسع

بتعشق بس مش جدا
و تكره بس مش جدا
ما بين الدقة و التانية في قلبك خوف
قديم جداً

جوابك دايما الحيرة
و فرحك طعمه التكشيرة
بتفرد في الهوا الجناحين
و روحك للهوا أسيرة
خلاص
خلاص
خلاص خليك علي الهامش
عيون شايفاك و ناس سامعاك
تبان موجود لكن يا خسارة
يا خسارة
مش عايش

بتعشق بس مش جدا
و تكره بس مش جدا
ما بين الدقة و التانية في قلبك خوف
قديم جداً

خلاص خليك علي الهامش
ما تتكلمش ما تتألمش
و لو سألوك عن الاحلام
ترد عيوني لما تنام بتتكلبش
و ما بتحلمش