Assanett ouefhem

أصنت وافهم واش نقول
فهم ديك الجمعية
كان نتا من أهل العقول
مايشقاش تلوم عليا
الله يجعل قولي مقبول
يمنعني من الذنوب و السيا
ما تغير حالي يا مرسول
يهديك الله دير مزيا
نبغي الهنى ومنحب الهول
سيدي ربي عالم بيا
كل واحد بين اهلو معقول
كل واحد قصتو بقصيا
أصنت وافهم واش نقول
فهم ديك الجمعية
كان نتا من أهل العقول
مايشقاش تلوم عليا
أطلب ربي بابو محلول
يعفو عليك و يتوب عليا
كل واحد في فكرو مشغول
كل واحد مبلي ببليا
واحد عاقل واحد مهبول
لاخر حيلي لاخر نيا
واحد عزيز لاخر مدلول
لاخر خارج من الشرعية
أصنت وافهم واش نقول
فهم ديك الجمعية
كان نتا من أهل العقول
مايشقاش تلوم عليا
يا اللايم قولي علاش تلوم
كف كلامك واسمع ليا
خليه في حالو لي مغروم
مسكين يجري صباح و عشيا
واحد ظالم لاخر مظلوم
لاخر حياتو مخفيا
واحد فاهم قاري العلوم
لاخر ناقص فالعقلية
أصنت وافهم واش نقول
فهم ديك الجمعية
كان نتا من أهل العقول
ميشقاش تلوم عليا
يا لي داخل فالبحر تعوم
بين الرياس والبحرية
رد بلاك لا تبقى محكوم
ترجع مابين الخلوية
بلاك تنعس يديك النوم
تغرق فالموجات قويا
بلاك يطيح بيك السلوم
تبت عقلك فيق شويا
أصنت وافهم واش نقول
فهم ديك الجمعية
كان نتا من أهل العقول
مايشقاش تلوم عليا
أصنت وافهم واش نقول
فهم ديك الجمعية
كان نتا من أهل العقول
مايشقاش تلوم عليا
مايشقاش تلوم عليا
مايشقاش تلوم عليا