Itim

Rosas sa paligid nagsaya sa 'yong pagtitig
Apaw sa galak mundo ko ay naging ligalig
Bughaw noon ang langit at sapat lamang ang init
Ngiting nakakasilaw di napigil mahumaling
Sino bang di maniniwala?
Pangakong kaytamis na pag-asang
Habambuhay hindi na luluha
Saksi ang buwan, araw, mga tala

Rosas sa paligid ang mistulang sumisirit
Pusong natinik, durog, sakdal puno ng galit
Bughaw na blusang ginutay ng kamaong lubos higpit
Humila ng sayang dati'y abot sa langit
Sino ba ang maniniwala?
Balat-kayong anghel pala sa lupa
Habambuhay pasakit at dusa
Nagtago ang buwan, araw, mga tala

Ang langit ay nagdidilim
Magwawakas na ang lagim
Wala na 'kong iindahin
Wala ka na sa paningin
Ang langit ko'y nagdidilim
Magwawakas na ang lagim
Wala na 'kong iindahin
Wala ka na sa paningin