Firestyle, Pt. 4

لحن الموت راهوم عازفين
فوق لي مين رانا عافسين
بستراس رانا عايشين
رانا حابسين c pour ça خايفين الإنفجار
هادوك لي الفوق ما راهومش شابعين
داو كلش مام لا بونسيون تاع المعوقين
بحبيلة وحدة رانا معلقين
كسرولنا يدينا هاكداك او رانا شايدين
لا لا لا لا لا راي ليكم دزاير رانا كامل رايحين
لا لا لا لا لا سماونا لي جان مي رانا كامل عاجزين
لا لا لا لا لا انا لي يغيضوني غير دموع الوالدين
لا لا لا لا لا لمصاغر برا راهم ب لي كالمون هايجين

ماشي بإسم الرايس نهدر مي بإسم المرؤوس
نكتب فالتاكست او نترعد شغل راني فالروس
طرف تعرف و العزلة تعطي دروس
فالسنان تدير السوس نهدر مادام لعظم قاسو الموس
نهدر مادام الخطر دق الناقوس
لي ما تعذب بالعضان عمرو ما يعرف بنة البوس
نهدر في بلاد وين الحال تعنا ولا ميؤوس
وين سيينا النوضوا مي حتموا علينا الجلوس
وين يامنو بالملموس و نساو المحسوس
وين لخروف ناضولو لقرون خلاص حسب روحو جاموس
البداية هي النهاية فالدنيا الدايرة قوس زائد قوس
جينا مالتراب نولوا لتراب مالا نفيزي الفردوس
نقتل بالقول مازال ماعرفت نرفد الكابوس
حايب الساعة تصوني باش نفطن من هاذ الكابوس
الغنى غنى القلب مي كومام لازم الفلوس
ماشي مجوس نعبدوا الله قيامًا و جلوس
رام يقطعولنا فالرؤوس des pions حطونا شغل
سياسة الإحتواء و العفس على النفوس
اللحم كسبو فهاد الزمان لي ما عندو لا سنان لا ضروس
مالقري السامع يتأثر عمرو ما يحس بعذاب المقيوس
منحوس نكتب فالنصوص حكمونا لصوص
خاطبونا بلغة ما يفسرها حتى قاموس
حاسبونا او فوق الشر حطوا الأس
نقعد نهدر مادام الخمر مازال يتداول فالكؤوس
لحن الموت راهوم عازفين
فوق لي مين رانا عافسين
بستراس رانا عايشين
خايفين الإنفجار سي بور سا رانا حابسين
هادوك لي الفوق ما راهومش شابعين
داو كلش مام لا بونسيون تاع المعوقين
بحبيلة وحدة رانا معلقين
كسرولنا يدينا هاكداك او رانا شايدين
لا لا لا لا لا راي ليكم دزاير رانا كامل رايحين
لا لا لا لا لا سماونا لي جان مي رانا كامل عاجزين
لا لا لا لا لا انا لي يغيضوني غير دموع الوالدين
لا لا لا لا لا لمصاغر برا راهم ب لي كالمون هايجين