Ratok Pasaman

Simpang lah ampek suko mananti
Padang tujuah diak, nanjo pinaga
Di sinan dulu adiak bajanji
Bajanji arek, bakato bana
Di sinan dulu adiak bajanji
Bajanji arek, bakato bana

Simpang lah tigo bakabun laweh
Indaklah pueh diak mato mamandang
Hati den arok, yo arok cameh
Cameh ko adiak disuntiang urang
Hati den arok, yo arok cameh
Cameh ko adiak disuntiang urang

Kelok baliku batang sinuruik
Ikannyo tasabuik balarangan
Kok tadorong diak, ganjua lah suruik
Antah kok adiak dalam pinangan
Kok tadorong diak, ganjua lah suruik
Antah kok adiak dalam pinangan

Janiah aianyo batang pasaman
Tapian mandi rang mudo-mudo
Adiak kok lapeh nan dari tangan
Indak baganti adiak salamonyo
Adiak kok lapeh nan dari tangan
Indak baganti adiak salamonyo

Kelok baliku batang sinuruik
Ikannyo tasabuik balarangan
Kok tadorong diak, ganjua lah suruik
Antah kok adiak dalam pinangan
Kok tadorong diak, ganjua lah suruik
Antah kok adiak dalam pinangan

Janiah aianyo batang pasaman
Tapian mandi rang mudo-mudo
Adiak kok lapeh nan dari tangan
Indak baganti adiak salamonyo
Adiak kok lapeh nan dari tangan
Indak baganti adiak salamonyo