Regis vasa

Regis vasa referentes,
Quem Judaeae tremunt gentes,
Danieli applaudentes

Gaudeamus! Laudes sibi debitas Referamus!

Regis cladem praenotavit,
Cum scripturam reseravit,
Testes reos comprobavit,
Et Susannam liberavit

Gaudeamus! Laudes sibi debitas Referamus!

Babylon hunc exulavit,
Cum Judaeos captivavit,
Balthasar quem honoravit

Gaudeamus! Laudes sibi debitas Referamus!

Est propheta sanctus Dei
Hunc honorant et Chaldaei
Et gentiles et Judaei
Ergo jubilantes ei

Gaudeamus! Laudes sibi debitas Referamus!

(Statim apparebit Darius rex cum principibus suis,
venientque ante cum cytharistae et princides sui psallentes hec:)