Sahrane ghir wahdi

نعيدلكم ما جرالي فالليل البارح
الناس الكل نايمين
والشمع الكل طافيين
وانا سهران غير وحدي بعودي نتمايح ×2

رنات العود ونستني
نحكي بنغامها تغني
وانا بالشوق زاد حزني وبقيت ننوح فالرسام
نتفكر ما فات عني
ما قاسيت في بحور فني
ولي ما ذاق ما عذرني يطول ويزيد فالكلام
خيالك جا بين عيني
هاذي مدة لي نعاني
حتى ظنيتو نساني وفنيت من ليعة الغرام
الوجه الحسين بالظرافة والخد الناصح
جلس حدايا على يمين
قلتلو قرب يا الزين
شرفت الدار يا الباهي سود الملامح ×2

نعيدلكم ما جرالي فالليل البارح
الناس الكل نايمين
والشمع الكل طافيين
وانا سهران غير وحدي بعودي نتمايح ×2

هاذي مدة شحال وانا
منسي مهجور في غبينة
ليام الفايتة علينا فرحوا لحسود بالخصام
علاش تشفي لحسود فينا
ونسيتي كل ما زهينا
العشاق تكلموا علينا قالوا هاذ الشي حرام
كوني فالعشرة حنينة
ليام تعود بيك زينة
ذيك الشمعة لي طفينا تضوي من بعد الظلام
قالت يا محبوب خاطري جيت اليوم نسامح
يا روح الروح يا حنين
ما تبقى هاكذا حزين
اغنم فرحك ولا تأمنش الدهر الرايح ×2

نعيدلكم ما جرالي فالليل البارح
الناس الكل نايمين
والشمع الكل طافيين
وانا سهران غير وحدي بعودي نتمايح ×2

قلتلها بيك طاب فرحي
يا سبايب ليعتي وجرحي
بعد الخسران زاد ربحي غربت الطير والحمام
شرق بعد الظلام صبحي
من بعد النوم كنت صاحي
بعد ما تقوى جراحي في بصري ما بقى غيام
عادت لفراح في مراحي
العسل يسيل من جباحي
مراول وزيدهم ذباحي كمال يطلع النغام
صحيت من النوم يا سيادي نلقى روحي طايح
وحدي فالغرفة حزين
ودموع العين سايلين
وغزالي فالمنام شفتو طفى لمصابح ×2

نعيدلكم ما جرالي فالليل البارح
الناس الكل نايمين
والشمع الكل طافيين
وانا سهران غير وحدي بعودي نتمايح ×2