L'océan

Adan loséan tandrès ou té vlé néyé mwen
Pou pé sèten an tout jan pé ké jen pèd mwen
Pa bizwen maré sa ki ja soudé pa Bondié
Si'w té lajòl man té ké mandé perpétuité

Pou vou, é mwen

Dépi ou antré dan lavi mwen man pa bizwen vwè
Pa bizwen sav si dòt koté zèb-la pli vè
Manjé dan bra'w, bwè adan zyé'w pou an pli janmen swèf
Kouté'w palé jis lè mwen santi tchè mwen géri

Pou vou, é mwen

Tchè mwen ké fann si ou pati
Non fò pa'w fè jé
Avè plézi lanmou pé fin an trajédi
Lè nou ké las volé dan syèl nou ké pé pozé
Asou branch a pyé bwa-a nou simen jòdi

Pou vou, é mwen

Pa oubliyé ki lavi-a dous kriyèl é bèl
Ni sa ki bon sa ki mové rich é maléré
Si'w ja rivé fò pa ou koupé kòd-la ou grenpé
Pa janmen di fonten ou pé ké bwè dlo ay

Pou vou, épi mwen
Pou vou, épi mwen