24ºko Latitudean

Maiatza da zure etxean,
barrualdeko gela batetan,
ezkutatzen zara.

Beroa, bihotz zaharrera
dakar berriro,
zerua urdin dago, gaur,
inoren fusilamenduan.

Mundua beti da ezberdin,
esnatzen zaren maiatza guztietan.
Beti zara ezberdin,
lo ezinetik ateratzerakoan.

Argia hormetan bihurri dabil,
itsasoak zurekin jolastu nahi du,
ikutu nahi zaitu.

24ºko latitudean,
portu gorrixka duen
etxe zaharkituan.

Mundua beti da ezberdin,
esnatzen zaren maiatza guztietan.
Beti zara ezberdin,
lo ezinetik ateratzerakoan.

Barkatu ezazu mundu hau,
nahi zenuenetik urrun gelditu bada.
Hurrengo Maiatza batetan,
gauzak hobe egingo dira.