Samign

ሳሚኝ ቀን ይውጣልኝ መስከረሜ ይጥባ
ከፍቅርሽ ልገናኝ ከነፍስሽ ልግባባ
እንደ መላእክት ክንፍ ክንዶችሽ ይፈቱ
ዐይኖችሽ በፍቅር የኔን ይመልከቱ
ሳሚኝና ልሙት ግደዪኝ በይፋ
በመውደድሽ በኩል ወደ ጽድቅ ልጥፋ
ሳሚኝና ልሙት ነጻ አውጪኝ ግዴለም
ካንቺ በቀር ሐሳብ በአእምሮዬ ውስጥ የለም
እንግዳዬ ግባ ልቤን ውረስ በዪኝ
አያመንታ ልብሽ ፈርተሸ አትተዪኝ።
እስኪ ነፍሴን ቀርበሽ አውጊያት በሹክሹክታ
የለም ሌላ ጊዜ የለም ሌላ ቦታ።
ሳሚኝና ልሙት ግደዪኝ በይፋ
በመውደድሽ በኩል ወደ ጽድቅ ልጥፋ
ሳሚኝና ልሙት ነጻ አውጪኝ ግዴለም
ካንቺ በቀር ሐሳብ አምሮት በአእምሮዬ የለም
ሌላ ዐላውቅም እኔ
አንቺን ልወድ ነው የተለከፍኩ እኔ።
ባዶ ቀርቻለኹ
የተሰጠኹትን ባንቺ ለውጫለኹ
ፈቃድሽን መጠበቅ ልብሽ ደጅ ቆሜ
አላስብ ደግሜ ዐላውቅም ደክሜ ዐላውቅም ደክሜ
መናፈቅ ደስ ሲል!
መጠበቅ ደስ ሲል!
አንቺን የሚመስል
የወደደ እንደኔ
ይታደስ በካሳ
ኹሉን በሚያስረሣ
ጥም የእርካታን ጥልቀት እንዲያውጅ ዐውቃለኹ
ይኸው እኔም እዚህ ስጠብቅሽ አለኹ ስጠብቅሽ አለኹ
ሳሚኝና ልሙት ግደዪኝ በይፋ
በመውደድሽ በኩል ወደ ጽድቅ ልጥፋ
ሳሚኝና ልሙት ነጻ አውጪኝ ግዴለም
ካንቺ በቀር ሐሳብ በአእምሮዬ ውስጥ የለም