DSL

[00:13.63] Daanang kanina'y tuwid, panay kurba
[00:16.21] Mga tahi-tahing pangungusap ang nagpakulay sa burda
[00:19.47] Ramdam mo ba 'yung alon? Handa na 'kong masuka
[00:23.09] Tara, pumasok na sa pintuan, bago pa magsara
[00:26.89] Gan'to pala 'pag nagbabalat ang langit, kulay kalabasa
[00:30.19] Tubig na mula sa Nawasa, naging prutas ang lasa
[00:33.32] Mga salitang nagkasundo, mensahe'y pasa-pasa
[00:36.33] Mga numero sa mundong ito, tila may pinapabasa
[00:39.98] 'Yung nasa dingding ay nagsasalita, sirang plaka
[00:44.05] 'Di kaya pinaglalaruan lang ako ng utak ko at ako mismo ang taya?
[00:48.94] Kaya 'di nagpabaya, baka tuluyang maligaw, mawala
[00:52.50] Kasabay kong huminga ang aming kisame't sahig
[00:55.99] Naging larawan ang nagkaisang mga butas ng banig
[00:59.02] Ingat lang sa pagpanik 'pagkat sadyang matarik
[01:02.38] Basta, tandaan mo lang ang daan pabalik
[01:05.56] Kapit ka lang maigi, 'wag mo 'kong bibitawan
[01:12.12] Ramdam ko ang hiwagang bumabalot
[01:14.61] Sa liwanag na bumabanda sa buwan
[01:18.52] Ang ibig ko lang sabihin, 'wag mo 'kong iiwanan
[01:24.59] Bago magamit 'yung duyan
[01:26.47] Kailangan daw munang 'yung papag ang unang mahigaan
[01:31.45] Bulag man ako sa oras, nasipat ko naman ang katotohanan
[01:35.44] Sa likod ng kalawakan, nakita ko sila, ngunit 'di ko mahawakan
[01:39.91] Baka lang maabala at mukha naman silang masayang nagsasayawan
[01:42.75] Mga guhit na nag-uugnay sa pagitan ng mga bituin
[01:46.60] Naging tigre 'yung isa sa mga dating nailigaw na kuting
[01:49.98] Ang mga pira-pirasong pangarap na kailangan pang buuin
[01:53.06] Tinanim sa lupang bibihira tumaba, kaya ayaw nilang dakutin
[01:56.18] Buhat nu'ng ako'y naliwanagan, isang malubak na lansangan, naging bagong kapatagan
[02:03.64] Kung walang pusong pinayayaman, isa lamang pangit na pulubi ang kayamanan
[02:09.18] Ang buhay man ay maulan, pero tandaang tubig ang dahilan kung ba't may kakahuyan
[02:15.72] Ingat lang sa pag-akyat sapagkat sadyang matarik, basta sundan mo lang ang daan pabalik
[02:22.65] Kapit ka lang maigi, 'wag mo 'kong bibitawan
[02:28.56] Ramdam ko ang hiwagang bumabalot
[02:31.71] Sa liwanag na bumabanda sa buwan
[02:35.75] Ang ibig ko lang sabihin, 'wag mo 'kong iiwanan
[02:41.25] Bago magamit 'yung duyan
[02:43.23] Kailangan daw munang 'yung papag ang unang mahigaan
[02:48.88] Ako'y binala sa pana
[02:50.54] Hinila pabalik sa pagiging bata
[02:53.89] Pinakawalan ang nakaraang nanggigitata
[02:57.32] Umaasang sa gitna tatama
[03:00.86]
[03:14.54] Ang gabi ay lumalalim, ako'y lumulutang sa salbabidang punong-puno ng sariwang hangin
[03:20.78] Nu'ng pumutok, ako'y lumubog sa ganda ng tanawin
[03:23.15] Kaliwa't kanang tawanan, sari-sari ang pagkain
[03:26.93] 'Di ko akalaing ang pagiging mahiyain ang aking daan upang maging malikhain
[03:33.13] 'Di ko man marinig ang sinasabi nila sa 'kin sa labas
[03:36.38] Sarado man ang dalawang pintuan, kita ko sila sa bintanang nakabukas
[03:38.95] Kasabay kong huminga ang aming kisame't sahig
[03:42.95] Nagkabit-kabit na nga ang mga butas ng banig
[03:45.87] Ingat lang sa pagtawid 'pagkat sadyang matarik
[03:49.12] Basta baybayin mo lang ang daan pabalik
[03:53.91] Kapit ka lang maigi, 'wag mo 'kong bibitawan
[03:58.81] Ramdam ko ang hiwagang bumabalot
[04:02.24] Sa liwanag na bumabanda sa buwan
[04:05.46] Ang ibig ko lang sabihin, 'wag mo 'kong iiwanan
[04:11.32] Bago magamit 'yung duyan
[04:13.92] Kailangan daw munang 'yung papag ang unang mahigaan
[04:18.93] Ako'y binala sa pana
[04:20.91] Hinila pabalik sa pagiging bata
[04:24.47] Pinakawalan ang nakaraang nanggigitata
[04:27.83] Umaasang sa gitna tatama
[04:30.83] Ako'y binala sa pana
[04:33.93] Hinila pabalik sa pagiging bata
[04:37.08] Pinakawalan ang nakaraang nanggigitata
[04:40.96] Umaasang sa gitna tatama
[04:43.80]