Reis

sit jou hele lewe lank op jou sitvlak n luilak by die huis
en al wat jy ken is die reis van die rusbank tot in die kombuis
is jou idee van transport droomland toe op jou matras?
en etniese etes in sakkies op die rakkies in jou yskas?

Maar wat van acapulco, amsterdam, londen en berlyn
phoenix arizona waar die son ook lekker skyn
brussels, delhi, moskou, machu picchu in peru
san francisco, shangai en ja, selfs ook timbuktu.

as ek se groot natuur sien jy die onkruid op jou gras?
en dink jy aan wilde diere as vismotte in jou kas?
het satteliet tv jou bron van avontuur geword?
en is jou playstation nou die somtotaal van jou genot?

Maar wat van acapulco, amsterdam, londen en berlyn
phoenix arizona waar die son ook lekker skyn
brussels, delhi, moskou, machu picchu in peru
san francisco, shangai en ja, selfs ook timbuktu.

het jy gehoor wat het gebeur van jan tuisbly?
hy het geglo dat hy alles tuis kon kry
en onbewus van wat daar is
wat buite sy voordeur skuil het hy
uitgemis op

acapulco, amsterdam, londen en berlyn
phoenix arizona waar die son ook lekker skyn
brussels, delhi, moskou, machu picchu in peru
san francisco, shangai en ja, selfs ook timbuktu.