Wand

I bi em ruchti nümme gram
wüu i hange i der wand
i hange i der wand
wi ne nasse sack voll sand

über mir da isch der himmel
unter mir da isch d' scheidegg
unter mir da liegt d' scheidegg
u das schläckt kei geiss meh wäg

ha grad wölle brav sy
bätte für ne guete flug
wär i nid ufe eiger gange
wär i o nid blybe hange

schutte nie meh nach em hund
wüu mis läbe hängt am hake
we d' rega nid bald chunnt
chumm i nie nach Interlake

heiland nimm dr näbel wäg
damit sie mi chöi sueche
i luege nie meh nach de wyber
i wott nie wieder flueche
himmuheilandtonner!

himmuheilandtonner
wär i doch go jasse
i hange i der nordwand
u sie hockt uf der terrasse

i bi dys du bisch mys het sie gseit
aber zersch muesch uf ne hoger styge
zersch wott ig es edelwyss
u när darfsch zu mir cho lige

der liebgott het di wand kreiert
dass är myni seel kuriert
u itz hang i mittedrinn
wäg dere kächä sennerin

i bi niemerem me gram
wüu i hange i der wand
i hange i der wand
i hange i der wand