Maadhour

على ڨد ما كبرت
على ڨد ما تيقرت
يا ما ڨارو دورت
يا ما بكيت كلما سكرت
من هم الدنيا أنا حرت
ما ربحت ڨد مخسرت
يا ما من الاصحاب تغدرت
سكاكن في ظهري تدغرت
لين وصلت أنا كفرت
وصلت بعدت على ديني
ڨارو بجنبي عمرت
وڨولت ربّي يهديني
مالڨيتش إلّي يواسيني
مالڨيتش إلّي يمسحلي دموعي يجيبلي حد يواعيني
مالڨيتش إلي ينسيني
مالڨيتش غير الدبوزة ودخان الڨارو يعمني
مالڨيتش غير المسموم ينسيني في عذب سنيني
تي بربي خويا خلّيني
خلّيني كما خلّوني
بأرخص الأسوام باعوني ما وادوني كان بدّوني
تي بربي خويا خلّيني
خلّيني غارڨ في همومي
سابًا في ظهري سِبّوني
وكان نموت أنا إيجو زوروني
خاليني ڨلبي تأزم
الهمْ يسال من تحت العظام
كثر الهم ماعاد نفهم
وعلى قد ما نعيش نزيد انبهم
على كل خطوة قدم
نلقى روحي أنا التالي
ياما سرقت واندمت وخلط حرامي بحلالي
جيت للدنيا وعشت زوّالي
اللي عندي عندك
ملّي ولدت هذا حالي ماك تعرف زهر نياك
انطلع في روحي بروحي
دافن وراي اللي راح
يما لا تبكي لا تنوحي
بسماتك اتضمد لجراح
صاح القلب بغص وتنهيدة
مجروح وما لقاش ضميدة
العبدو لله ما عرفت أفراح فرحة مازلت بعيدة
جيبلي نخرب بدني بحديدة على كل مكثر الهم
همومي ولات عديدة وما لقيت مع الناس قسم
حبوني اعمى واصم
لا نتكلّم لا نقول الحق
وانا عندي ورقة وقلم يتكلم وحدو ينطق
أبيض الڨلب ومافيه السمْ ألقيت قدامي كان دنيا غريبة
صعيبة ناسها عدم ما يحبو اللي يمشي بالطيبة
ما يحبو الللي يمشي بالطيبة ما يحبو اللي يمشي بالنية
الكسيبة كان راب وكتيبة كسيبة ما كسبت أيديا
ما نحتاج من حد مزية وما نحسد
ما نوريك دمعة عينيا
البسمة على كبر خدي تمتد
زماني بأحزاني يشهد شخلاه كثر فسادي
ڨد مالناس تعند يزيد يكثر عنادي
عادي كالنعادي ما يهمني زمان هوا الّي يعلمني
نتعلم اذاكا اش يلزمني
وقليل الّي يفهمني
يلزمني ما نكون ضبع في بلاد صيودة و نمورة
يلزمني ما نتلكع في زمان طغت فيه الغورة

الدنيا كلبة ماهي معذورة مغرورة بأفعال ولادها
كل يوم نفس الصورة باقي وتزيد في فسّادها
قست و كثر عنادها على كتافي قعدت بالرزانة
زادت قلت رجالها وما كثرت كان اَلْطَّحَانَةُ