Kinalulungkot ko Miss Paula

TONY
Ikinalulungkot ko, Miss Paula
Alam mo siguro ang ginagawa mo
Pero beynte mil pesos. Diyos ko!
Kung ako'ng makaro'n ng gano'ng
halaga, magtatayo ako ng sarili kong banda
Magliliwliw ako sa Hong Kong, sa Shanghai, sa Java, sa India
Pupunta 'ko sa Europa para magaral magpiyano
Pupunta ako sa Paris, sa Vienna, sa New York

PAULA
Paris... Vienna... New York

TONY
Sa Espanya, Italya, America del Sur
Hindi lang ako maggagaranatsa, mag- aaral ako
Sisinghot ng kultura

PAULA
Noon ko pa pinapangarap ang maglakbay sa buong mundo

TONY
Pangarap mo'y magiging tunay
Magagawang totoo'ng lahat

PAULA
Ayoko nang umasa-asa
Masyado nang matanda ako

TONY
Magsama tayo sa Europa
Lahat bg ibig, matutupad

PAULA
Maa'ri pa kaya?
Hindi ba't huli na?

TONY
Miss Paula, may gusto ka ba sa 'kin kahit na kaunti?

PAULA
Huwag kang magsalita ng ganiyan!
Ano'ng sasabihin ng mga tao?

TONY
Ano'ng pakialam mo sa sasabihin nila?

PAULA
Kinamumuhian ko sila!

TONY
Ipakita mo nga ang pagkamuhi sa kanila!
Sampilingin mo ang kanilang mga mukha!
Puwede kang mag-impake ngayon mismo at pumunta kahit saan mo gusto

PAULA
Patay na'ng mga pangarap ko

TONY
Puwedeng may bumuhay pa sa pangarap mo noon

PAULA
Puwede pa kaya?

TONY
Kung sakaling may dumating at masabi niya ang
salitang makabubuhay uli sa pangarap mong naunsiyami?

PAULA
Napagod na akong maghintay

TONY
Miss Paula... tingnan mo ako...

TONY
Huwag, Miss Paula! Kalimutan mo na siya
Talikuran mo na siya
Iwanan mo na siya!

PAULA
Huwag dito, huwag dito!
Huwag sa bahay na ito!