Ako'ng Nagkamali

Kawawang Candida
Kawawang Paula

Si Tony ang kawawa
Nabilibid ng 'di oras
Nawalan pa ng trabaho

Ngayon Miss Marasigan
Gusto mo pang maitago
Ang baho niyong magkapatid?

Itsi-tsismis ko sa lahat
Ikakalat ko ang baho niyo
Mababalitaan ng lahat
Ang paglalamyerda ng iyong kapatid
Nang buong magdamag

Ano'ng sinasabi mong nagbalik kaagad?

Hindi nagbalik kaagad, nagsinungaling ako
Alas tres na ng umaga nang umuwi si Paula

Candida!

Hinintay ko siya, nakatayo ako rito
Tangka ko talagang murahin siya!
Ngunit nang dumating, dahan-dahang umakyat sa hagdanan

Tumindig lang diyan, hindi nagsalita
At ang itsura niya, ang itsura niya'y hindi ko malilimutan

Tama na, Candida.

Paano ko malilimutan ang itsura ng mukha niya?

Tama na sabi!

At natalos ko noong ako ang may sala
Ako ang masama, ako ang sumira sa buhay ni Paula!

Ipasok mo siya sa loob.

Sandali!
Gusto niyong malaman kung saan siya nanggaling?
Sa'n siya nagpunta? Ano'ng ginawa niya?

Tama na Candida!

Ako'ng nagkamali!
Ako'ng nagkasala sa aking kapatid.
Ako'ng nagtulak sa kanyang lumakad.
Ako'ng may gusto mangyari'ng nangyari

Alam niyo kung bakit?
Dahil sa dyes mil dolares!

Inisip ko kasi ang aking kinabukasan
Inisip kong hindi ko na kaya ang kahirapan

Ayoko nang makipagtawaran sa palengke!
Magtago sa kobrador!
Maputulan ng tubig at ilaw!

At para doon lang!
Para sa bente mil pesos!
Isinubo ko ang kapatid ko!
Itinulak ko sa malaking kahihiyan!

At ngayong alam niyo na
Ipagpaumanhin niyo
Masama'ng aking pakiramdam