Paula, Patawarin Mo Ako

Paula, patawarin mo ako
Hindi mo ba pinagsisihan?
Ang tungkol sa litrato?
Anong ginawa mo kung ikaw?
Yun mismong ginawa mo
Pero Candida, alam mo ba ang haharapin natin?
Araw-gabing walang kuryente, naghahabol na kubrador
Chismis na hindi magkamayaw
Sasabihin nila sira talagang ating ulo
Kuruin mo dies mil dollares ang ating pinakawalan
Sasabihin nila isang pares tayong lukaret
Sasabihin nilang peligroso tayo
Sabihin nilang gusto nilang sabihin Manghuhuli lang tayo ng daga
At mag-usap sa salita ng mga taga-Babylonia
Hindi ka ba natatakot?
Sa mundo ng Babylonia
Na palisin parang daga
Patawarin ako ng Diyos
Dahil hinangad kong maging kasing karaniwan ng iba
Tumindig kung ganon
Lalaya tayong muli
Ikaw, ako at ang Papa
Magmula ng ihandog sa atin ang litrato
Ito na ang hakbang na nagpapatunay
Na buhay pa sa atin ang ating pananalig
Na hindi pa rin natin itinatwa
Ang pagiging mga anak ni Lorenzo el Magnifico