Enad Feek

عناد فيك الليلة و الله لـ أصحيك
من عز نومك و أحلف إني أحبك
دامك تقول القلب ما عاد يغليك
أجل تحمل و الله يعين قلبك

وشلون ما أحبك و أنا ميتٍ فيك
من وين جبت اني مقصر في حبك
من كثر ما قلبي يودك و شاريك
لـ اذنبت انا أدعي ربي أشيل ذنبك

أنت الهوى و اتنفسك كيف أخليك
الدنيا دنيا بس اذا كنت جنبك
كل نبضه في قلبي تدق و تناديك
و تشك في حبي ولا تخاف ربك

ياللي حياتي كلها ملك أياديك
عهدٍ علي الليلة لازم أعذبك
وكل ما غفت عينك بحاول أصحيك
و أحلف لك انك تاج راسي و أحبك