Mahirap Mahalin

Nasasakal ka na
Anong dapat kong gawin
Masakit makita na iyong leeg
May nakatutok na talim
Minamahal kita, sa puso ko'y dala
Sa tuwing nagpupumiglas, nasusugatan ka

Sinasaktan, dinudusta
Ang iyong pangalan
Dinadala sa putikan
Minamahal kong bayan

Sa katunayan nga
Mahirap kang mahalin
Mahal pa rin kita
Bayan kong inabuso ng mga salarin
Mahirap mahalin
Bansang nasasakdal
Hangg't sila'y makapangyarihan
Di tayo magtatagal

Ang dati mong ganda, naglalaho na
Inaabusong kapangyarihan
May matitira pa ba?

Hangga't may kamay na bakal
Na sumusuntok sa kanyang dibdib
Hangga't may mga dilang anghel
Na may hilang garote sa kanyang leeg

Alam kong marami sa'tin
Ang pagod nang ipaglaban siya
Sahuli kung walang kikilos
Sama-sama tayong tutumba
Ibalik ang kanyang ganda

Di kami papayag
Walang galang sa ama
Di mo masasaktan
Ang aming ina