Connola senza mamma

Comme vapure scostano
Luntano a 'sta banchina...
Turmiente e pene portano
Lassanno 'a Margellina...
'Nterr'â banchina chiagnono
'e mmamme 'e ll'emigrante
Pe' chesto, 'nterr'a 'America
Só triste tutte quante...

Meglio nu juorno ccá, napulitano
Ca tutta vita princepe luntano...
E Napoli che cchiamma
Luntana sta...
Cònnola senza mamma
Falle turná
Falle turná!

Stanno luntane e cònnole
Sempe sti cante e suone...
Ma qua' brillante trovano
Cchiù belle de ccanzone?
Tutto nun dà ll'America
Forte suspira 'o core
'e chi, pensanno â Patria
Luntano se ne more...

Meglio nu juorno ccá, napulitano
Ca tutta vita princepe luntano...
Si è Napule che cchiamma
Pe ffá saná...
Cònnola senza mamma
Falle turná
Falle turná!

Si è Napule che cchiamma
Pe ffá saná...
Cònnola senza mamma
Falle turná
Falle turná...