Mi vogghiu maritari

Figghiola cara e beḍḍa, i' quandu vitt'a tia,
Na bampa mi trumau dintr'a 'sta vita mia!
Non pòzzu chjù campari: si campu, este pe tia.
Chjù t'amu e chjù m'azzucu mali, mali pi mia!

Mi vogghiu maritari pi stari 'nsem'a tia,
Pirchì tu mi rrobbasti tutta la paci mia!
Mi vogghiu maritari cu tia, figghiola d'oru.
E vu' mə l'ati a dari, oh mamma, sinnò moru!

Si sulu guard'a tia, non sacciu com'àj 'i fari,
Mi pigghia l'acunia e ti vogghiu baciari.
Sintiti, gentə, a mia: non nd'avi com'a iḍḍa,
Cu ḍḍa beḍḍa boccuzza e cu l'occhi di stiḍḍa.

Mi vogghiu maritari pi stari 'nsem'a tia,
Pirchì tu mi rrobbasti tutta la paci mia!
Mi vogghiu maritari cu tia, figghiola d'oru.
E vu' mə l'ati a dari, oh mamma, sinnò moru!

Io pensu sempr'a tia, sdilliriu e mi strapazzu!
E si po' non te viu, me vene 'e mi m'ammazzu.
Ormai chistu me resta: si tu non me vô amari,
Na 'rossa petra ô coḍḍu 'e mi mi jettu a mari.

Mi vogghiu maritari pi stari 'nsem'a tia,
Pirchì tu mi rrobbasti tutta la paci mia!
Mi vogghiu maritari cu tia, figghiola d'oru.
E vu' mə l'ati a dari, oh mamma, sinnò moru!
Non c'este nenti 'i fari, ma mi l'aviti a dari!