Munasterio [by Salvatore di Giacomo]

Jettaje stu core mio 'mmiez'a la strata
E 'ncopp'a 'na muntagna mme ne jette
E, pe' 'na passiona sfortunata
Monaca 'e San Francisco mme facette

"Tuppe tuppe" "Chi è?" "Ccá ce stess'uno
Ca ll'è caduto 'o core 'mmiez'â via?"
"Bella figlió, ccà nun ce sta nisciuno
Va', jatevenne cu Giesù e Maria"

Se ne jette cantanno: "Ammore, ammore
Cchiù nun te vò zi' monaca vicino"
E p' 'a muntagna se purtaje stu core
Arravugliato dint'ô mantesino
E p' 'a muntagna se purtaje stu core
Arravugliato dint'ô mantesino