Will Ye Go to Sheriffmuir

Will ye go to Sheriffmuir
Bauld John o' Innisture
There to see the noble Mar
And his Heiland laddies
A' the true men o' the north
Angus, Huntly and Seaforth
Scouring on tae cross the Forth
With their white cockaddies

There you'll see the banners flare
There you'll hear the bagpipes rare
And the trumpets' deadly blare
Wi the cannon's rattle
There you'll see the bauld MacCraws
Cameron's and Clanranald's raws
All the clans wi louds huzzahs
Rushing tae the battle

There you'll see the noble Whigs
A' the heroes o' the brigs
Raw hides and withered wigs
Riding in array, man
Ri'en hose and raggit hools
Soor milk and girning ghouls
Psalm beuks and cutty stools
We'll see never mair, man

Will ye go to Sheriffmuir
Bauld John o' Innisture
Sic a day and sic an oor ne'er was in the north, man
Siccan sights there will be seen
And gin some be nae mista'en
Fragrant gales will come bedeen
Frae the water o' Forth, man