Napule canta

Pusilleco se stenne
Quase stracquato 'ncopp'o mare d'oro
Comm'a 'nu ninno ca se vò addurmì
Dint'ô silenzio, lenta, 'a notte scenne
Passa 'na varca e canta 'o marenaro
Scetate, ammore, comme può durmì?

Chitarre e manduline
Stanotte 'o core mio ve vò sentì
Chella ca mme vò bbene
Dint'a 'sti ssere, comme pò durmì
Si tutta quanta Napule
'Nterra Pusilleco, vene a cantà?

Luceno 'e lume a mare
Ll'evera 'e mare addora e, cu 'st'addore
Se jenche ll'aria e cchiù addurosa 'a fa
Sbattono 'nfacci'a 'e scoglie ll'onne chiare
Suspirano 'e ciardine: "È primmavera!"
Ll'ammore passa, ride e se ne va

Chitarre e manduline
Stanotte 'o core mio ve vò sentì
Chella ca mme vò bbene
Dint'a 'sti ssere, comme pò durmì
Si tutta quanta Napule
'Nterra Pusilleco, vene a cantà?

Napule bella mia
Terra d'ammore, llacreme e ccanzone
Che suonno d'oro ca nce faje sunnà!
'Ncore nce miette 'na malincunia
'Na freva tu nce miette dint'e vvene
Pecché nce vuò fà chiagnere e cantà?!

Chitarre e manduline
Stanotte 'o core mio ve vò sentì
Chella ca mme vò bbene
Dint'a 'sti ssere, comme pò durmì
Si tutta quanta Napule
'Nterra Pusilleco, vene a cantà?