Niggun Moshiach

אין סטראפקעוו דער רבי זינגט זיך א לידעלע
קענען דאס תנועה'לע עס דארף יעדע יודעלע
אויף ביאת הגואל גרייטן א סעודה'לע
לא יום ולא לילה

פאר משיח זינגען א שירה'לע
שעפן נחת וועלן מיר פון זיין צורה'לע
אין בית המקדש דאס הייליגע דירה'לע
לעילא ולעילא

אליהו זאגט אונז יום שמחתכם
גרייטס אייך צו משיח'ן, באלד איז ער שוין דא
הנה הגיע זמן גאולתכם
ברוך ברוך הבא

ברוך הבא בשם השם
ברכנוכם מבית השם
ברוך הבא בשם השם
ברוך ברוך הבא

אהוי! ווי שווער איז אונז די וואג
פון דאגות וואס מען טראגט
דאס אידיש הארץ צו דיר אזוי עס שרייט
אהוי! יעדן טאג און טאג
געבן מיר א זאג
אני מאמין ער איז שוין נישט ווייט

לכו נרננה לה' נריעה
דיר באזינגען זאל מען האבן די זכיה
מיר ווארטן יארן שוין אויף די שעה
צו זינגען ברוך הבא

ברוך ברוך הבא בשם השם
ברכנוכם מבית השם
ברוך ברוך הבא

זעהן תנאים ואמוראים
אבות ואמהות ברוכים הבאים
ווערן ריין פון אלע חטאים
ארויסגיין מאפילה

ס'קומען אידן מכל המינים
און פון הארצן גיסן פילע תחנונים
יעדער צדיק מיט זיינע ניגונים
לעילא ולעילא

צדיקים יושבים בעטרותהם
נהנים מזיו השכינה בירושלים
אידן הערט מען דארט בקול דממה
ברוך ברוך הבא

ברוך ברוך הבא בשם השם
ברכנוכם מבית השם
ברוך ברוך הבא בשם השם
ברוך ברוך הבא

אהוי! פאטער ווילאנג נאך
מיט דעם שווערן יאך
פון דעם גלות מיר ווילן שוין אהיים

אהוי! ס'גייט דורך וואך נאך וואך
מ'בעט ויזמרון לך
שירין ורחשין בירושלם

ויהי בישורין מלך
צוזאמען מיט משיח'ן גיי מיר פאמעלעך
ווען בקרוב הנה זה בא

ברוך ברוך הבא בשם השם
ברכנוכם מבית השם
ברוך ברוך הבא בשם השם
לעילא ולעילא