Bagyo, Bagyo

Bagyo, bagyo, anurin mo ang dungis ng katilingban
Sa bayang tila nagmamaliw
Pawiin ang uhaw ng mga tigang na damdamin
Hugasan ang poot ng mga pusong nangingitim

Bagyo, bagyo, ikalat mo ang kuwento ng pag-ibig
Ang tula na 'di na marinig
Isipol ang awit kasabay ng 'yong pagdilig
Sa lupang kay tagal nang naghihintay sa pagsapit ng tag-ulan

Bagyo, bagyo (bagyo, bagyo), sabihin mo (sabihin mo)
Kailan nga ba darating?
Pagsikat ng araw ng simula
Sariwang hangin na mapayapa

Bagyo, bagyo, wasakin mo
Pagkakahati-hati ng mga tao sa bayan ko
Ibuhos ang galit at baka sakaling mayanig
Ang kawalang-damdamin ng mayro'ng narinig

Bagyo, bagyo, ikalat mo ang kuwento ng pag-ibig
Ang tula na 'di na marinig
Isipol ang awit kasabay ng 'yong pagdilig
Sa lupang kay tagal nang naghihintay sa pagsapit ng tag-ulan

Bagyo, bagyo (bagyo, bagyo), sabihin mo (sabihin mo)
Kailan nga ba darating?
Pagsikat ng araw ng simula
Sariwang hangin na mapayapa

Bagyo, bagyo, ulan, ulan
Bagyo, bagyo, ulan, ulan
Bagyo, bagyo